＃10 理想與現實 《復仇者聯盟》

大傻哥自細當安東尼奧班達拉斯（Antonio Banderas）係偶像，尤其是《黑俠梭羅》（The Mask of Zorro），簡直迷死街坊！估唔到……20年之後有機會訪問真人，但人家講唔夠半句就心不在焉，然後直情打大肚腩搵周公吹水……

妖！



教事教訓大家，千萬咪對扮演英雄哋嘅傻里活演員存有任何幻想，呢個百分之千嘅傻瓜行為，絕對冇好下場。

同樣，表面好威風嘅《復仇者聯盟》（The Avengers），一卸下戲服，英雄分分鐘核突過強國自由行。

首先係美國隊長。

理想︰男兒保家衛國，一生只愛一個女人，六舊腹肌，有型得很。

大隻、專一、愛國，女人至愛

現實︰Chris Evans實乃女人湯丸一名，身邊女朋友換完又換，專一？咩嚟㗎？

齊人之福。

再講，係眾神之神，皇者雷神索爾。

理想︰帝王奧汀之子，知書識禮，打得又睇得。

真心覺得，雷神係眾多英雄中最有王者氣概嘅一位。

現實︰Chris Hemsworth始終係人；而人，少不免feel到鼻痕……sad。

同採完礦嘅王子握手，唔知洗唔洗手好……

最後，又邊少得英雌黑寡婦呢？

理想︰索

有圖有真相

現實︰月巴，仲係好月巴……傳聞Scarlett Johansson有咗，最後證實係虛驚一場。

都係有圖有真相……

……幻想美麗，現實殘酷，係千真萬確嘅事實。最後送上最新海報，等大家懷勉一下。

完整版

（香港上映日期︰4月26日）

#9 永遠懷念Piratebay／康講漫遊國際電影節

傻里活唔止傻，仲好貪心，成日埋大堆次貨、屎橋搾乾大眾。好在世上有樣叫BT嘅東西，讓你為垃圾省下唔少金錢之餘，仲可以搜羅各地第一手影片／電視劇，大開眼界。

正當大傻哥如常上網搵最新一集《New Girl》打J時，發現…………


The PirateBay死Q咗！！！


追開美劇，睇開冷門cult片嘅，應該知道PirateBay係BT重鎮，再冷門嘅種子都搵得到，而且充斥各地奇片，搵reference一定要靠佢。雖然造福萬民，但亦代表傻里活（特別係唱片商）賣少好多碟，收少好多票房，命都冇。為咗確保水源，成班大佬決定向瑞典政施壓，告到班網站管理人甩褲咁濟。

訴訟長達5年，最後……5位網主被罰重款之餘，亦要坐監4個月至1年不等。上星期，網主更發出聲名，表示網站日內將會刪除所有種子檔案，以後只會列出magnet link任由用戶互相分享檔案。

Pirate Bay (2003-2012), R.I.P.

傻里活班大哥真係好……戅居。先唔講係咪啲戲垃圾，呢個世代嘅觀眾已經習慣晒上網，唔係睇電腦檔案HD片，就係用PPTV睇streaming。仲叫人買DVD？除非好似大傻哥呢啲古老石山，先會咁做。21世紀，差唔多人人屋企有部睇得到高清影片嘅電腦，但唔係家家都有Blu－ray碟機囉。

更何況，PirateBay可以搵到平時極少見嘅非主流電影，有助大眾大開眼界，開發民智，提升欣賞能力。而家一下子cut晒，以後只可以上amazon，或求神拜佛，希望電影節生生性性……本地發行商？咩嚟㗎？

再見啦！可愛嘅PirateBay！

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

講開又講，質況每下愈況嘅「康講國際電影節」就快開波。記招由W移師到九龍富豪酒店，實行自我降格，yeah！再睇catalog，真心覺得紅十字會有排忙，因為大量影迷將嘔出數以噸計嘅鮮血，供救急輔危之用。

工作關係，大傻哥已有catalog在手，但暫時不便透露全部內容。姑且話你知兩部「重點」選片，睇睇今年搞手幾冇誠意。

先係《王者逆襲》，又名《英雄叛國記》（Coriolanus），佛地魔Ralph Fiennes自導頭炮，2011年2月柏林影展首播，之後環遊世界，4月終於到港，成為電影節highlight作品之一。（trailer見下）

另一部係《戀之罪》，2011年5月康城影展作品，園子溫執導，又係行遍全球後到港。人家最新作《庸才》早你半年開畫，HKIFF又當重點推介……（trailer見下）

呢兩部片，全部在去年台灣某某影展播放過，亦在日本、歐洲各國及美國等放映過。旅行係好事，但電影環遊世界絕對苦了觀眾，特別係少見世面嘅康講觀眾。點解講得呢兩部片？因為全部有發行商，電影節只不過做「優先場」……yeah！

咁落去，不如索性叫「康講漫遊國際電影節」啦，選片選片唔係「漫遊」世界過幾個圈，就係慢人三拍先上映……比傻里活更傻嘅，就在康講。

#8 Kai製作DNA同種同源之謎︰《Snow White and The Huntsman》

雖然，《Twilight》同《白雪公主》（Snow White and the Huntsman》係兩套戲，但……女主角唔止係同一個人（Kristen Stewart），而且……

Bella

Snow White

1. 喺《Twilight》入面，Bella有爺生冇毑教；白雪公主個惡毒老母，亦唔見得會教女；

2. 好多人想攞Bella命；同樣，成個國家都要殺死公主；

3. Bella係殭屍愛人Edward嘅獵物；公主係獵人愛人嘅獵物；

4, Bella有班殭屍朋友；公主有七個小矮人，兩者都係特殊品種；

5. Bella有狼人同殭屍爭；公主有王子同獵人爭；

6. Bella搬入新城鎮展開新生活；公主搬入新森林開始新生活；

7. Bella差佬老竇，同公嘅嘅國王老竇都係公務員，而且一樣係條有權有勢而保護唔個女嘅廢柴。

無獨有偶，阿男主角Huntsman（獵人），同前作《雷神奇俠》（Thor）嘅雷神索爾，又係出奇地相似︰

獵人

雷神

1. 兩位同樣長頭髮；

2. 獵人被指派陌生森林，雷神被指派到陌生人間；

3. 兩位同樣使用短陣武器；

4. 兩位同樣愛上來自不同世界嘅愛人；

5. 兩位最後一樣為女死為女亡。

嘥咗咁多口水，其實只想講一個道理︰傻里活最興觀眾豬西，只要演員憑一個角色走後，日後過千千萬萬個劇本都會pitch佢做同一種角色！算啦。

《Snow White And The Huntsman》將於今年5月在美國上畫。

#7 低成本萬歲！《Chronicle》

好多時，傻里活鍾意用錢撻人，唔理好醜，總之拍到貴一貴，你就係要睇！

始終，觀眾唔係豬西，呃得一次就冇第二次。於是市場反其道而行，主打低成本，改用素人打骰，攪出好似少少質素獨立產物，例如《Blair Witch Project》及《Paranormal Activity》等，講緊幾萬蚊（美金，下同）投資，票房高到嚇死人。

無獨有偶，以上兩片故事大略都係︰拍拍拍……我拍到啲嘢……拍拍拍……咪住！呀……救命呀，唔好殺我呀！！

同一主題下，今日有《Chronicle》（奪命異能）。導演Josh Tranks未拍過feature，三位主角亦係阿毛。成本15M美金，以今日通脹率來講，算低。

家陣啲人真係鍾意拍嘢……

套戲好短，83分鐘乜都講完。故事講出身問題家庭嘅拍片宅男（右一）無啦啦同兩個老友獲得異能，但無助宅男破處，反之俾人笑到面黃，最後short咗，佢嘅老友兼老表（左一）唯有KO佢以除社會大害。聽落……係咪似《阿基拉》呢？！直情係！係多咗拍片元素咁解。

然後，你會問︰大傻哥，套戲有乜好睇呀？

係故事設計鏡頭運用。

考慮到第一身觀點情況，覲眾通常睇唔到第一主角。梗係啦，佢要拎實部機拍嘢，唔係睇條春咩？所以，我哋只能夠「感受」佢所見嘅事物。視點好似好親切，其實好奇怪；主角慢慢行猶自可，一路跑一路chok再一路搖，分分鐘嘔到阿媽都唔認得。

不過，因為男主角識超能力，所以佢可以控制住架camera亂咁飛；換言之，機位點擺都得。一來可以由主觀視點跳至熟悉嘅第三身視點，二來架機四圍飛，感覺好犀飛利（其實咪即係吊威也！）。另外，導演用會用第三者嘅相機說故事，多咗切入點之餘，亦可以draw返條界線︰你真係睇緊戲。

初心電影人要留意，即使如吊威也呢種簡單到無倫嘅手法，只要包裝過，皆可變成神技。

唔語你知部camera四圍飛，呢張相其實好流

其他特技唔講啦，飛來飛去呢回事，你老竇睇《超人》嗰時已經有；物件四圍飛，咪即係原力囉！但你對套戲有好感，就算係屎，都係香嘅。關於咩用超能力整蠱細路，後來又走火入魔等等，基本上係21世紀超級英雄片種常見嘅命題，又係無乜特別。不過，套戲夠短，做得精，算點到即止。

阿宅男，呢個angle有啲似Peter Parker

套戲係唔錯，但不幸地，條trailer……有點流，唔講以為又係普通Sci-Fi Tragedy。唗料呀！

#6 睇見眼冤︰《Star Wars: Episode I - The Phantom Menace 3D》影評

美術題︰請找出以下兩部電影的分別。

星球大戰前傳1︰魅影危機3D

星球大戰前傳1︰魅影危機

美術題2︰從以下預告中，請找出兩部影片之間的分別。

星球大戰前傳1︰魅影危機

星球大戰前傳1︰魅影危機3D

答案係︰冇乜分別。

如果話王家衛懶，咁大傻哥相信佐治盧卡斯（George Lucas）更懶。唔計掛名監製，真正執導作品只有《THX1138》、《美國風情畫》（American Graffiti）及《星球大戰》六部曲。的確，原有《星球大戰》三部曲重新定義現代科幻特技片，但唔知係咪人已老，改食老本餐，食埋上癮嗰下先大鑊。

呢味沙鍋雲吞雞可謂食老本之最高峰，除咗3D效果零3D，連畫面色水都冇執過咁濟，電影亦未有重新剪輯，換言之完全冇新片段，er……你實會問︰「咁大傻哥你睇嚟做乜？！」答案係唔睇周身痕，最後一仆街成千古恨，唉……自問係《星戰》死忠又抵得悶嘅，儘管晒$105入場睇啦。

最後一句，要睇3D修復，等《鐵達尼號3D》啦。套戲堅得，唔信？睇完唔妥嘅，不妨搵大傻哥回水。

#5 Super Bowl 預告驚嚇位

雖然大傻哥做咗咁多年人，讀咗咁多年書，但依然無法猜透美式足球有咩咁好睇。咁係嘛，成群麻甩佬摧個你死我亡，唔講以為G-Man耍花槍！Anyway，花旗國人最buy呢種運動，每逢年度大賽Super Bowl，唔理男女老幼，都要返屋企睇電視。亦因為係咁，其廣告時段變成廣告商必爭之地，好多大片嘅trailer亦會喺呢個時候出籠。

話就話傻里活，你當人哋真係傻嘅咩？

不過，好似好多唔識化妝嘅港女一樣，總有一兩套kai片會剪條染trailer出來獻世，睇完，唔打爆電視就假。其中之一，就係2012年最杰續作︰《G.I. Joe︰Retaliation》。

新老細The Rock向成員講話︰「Jay-Z有句智理名言，Whatever in me guides my life, dear Lord Dont Let Me Die tonight。」大傻哥有啲唔明，當年讀美國歷史，聽過林肯、華盛頓、傑佛遜甚至馬丁路德金等「名人」，但冇聽過Jay-Z上埋Hall of Fame……看來要重返校園讀書啦。

新加角色Jinx，唔知點解好似2003年《Animatrix》某短片嘅女主角囉，唉……

又係Bruce Willis！佢叫Joe，唔係John，更加唔係姓McClane。

另一條冇咁大鑊，但瀨咗少少嘢，係《復仇者聯盟》（The Avengers）。

一個字︰肥，上圍幾好都冇用，野原美冴式三層肚腩脂肪收極唔埋。

出事位暫時係咁多。若有發現會再update大家。

#4 《the Woman in Black》︰哈利波特撞鬼嚇唔大

做藝人最忌「童年陰影」，好似我哋嘅柏林仔鄚柏林，一套《柏林週記》過後成世做死柏林仔，考督察都於事無補。

荷里活嘅例子更加係多不勝數，近年最為人熟悉嘅莫過於《哈利波特》男主角丹尼爾域基夫（Daniel Radcliffe），自2001年起，哈利仔……丹尼爾至真，冇乜點高過（因為佢真係好矮），個樣差不多。

唔信？網上流傳以下一幅圖︰

此乃中文版，英文原版︰http://9gag.com/gag/2028185

嗱！幾位主角嘅髮型真係冇乜點變過咁濟！最離譜係石內卜Alan Rickman，個頭直情黐晒膠水，10年如一日！好喇，就當原著所限，形象唔改講得通。但丹尼爾做返自己，又係咩樣呢？不如比較下幾張圖︰

童年

BBC電視電影《David Copperfield》

《哈利波特》，第幾集？點Q記得！

青春期

電影《December Boys》

《哈利波特︰鳳凰會的密令》

大個仔

電影《Woman in Black》（又名︰魂遊你左右）

《哈利波特︰死神的聖物1》

咪話我大傻哥mean，睇住堆相，有一刻我真係以為係哈利仔扮返丹尼爾，特登相梳個靚髮，轉戴隱形眼鏡，然後逃學搵外快，而鄧不利多校長隻眼開隻眼閉咁囉！最慘係連劇本都出事，試想，哈利仔變魔術，大衛高拍飛又係變魔術；《December Boys》係校園故事，《哈利波特》亦離唔開霍格華茲；《Woman in Black》講「魔」鬼纏身，哈仔又何嘗唔係被佛地「魔」搞足7年咩？

實情《Woman in Black》講乜？基本上係一部英國小說，律師男主角（亦即係哈利仔）受委托出外公幹，期間個client俾咗間鬼屋佢住，入面隻冤鬼見有新客仔到，於是搞到佢不似人形，仲諗住謀埋律師個仔，陰險到呢……

呢度有條Trailer，鐘意睇就睇下啦。

算把啦！哈仔，轉型呢單嘢，你都係死咗條心把啦。倒不如叫J.K. Rowling寫本《哈利波特與金融海嘯》，講你做魔法部公務員時點樣為民拯命，用魔法變＄1,000億現金救市，分分鐘威過曾特狗；然後寫多本《哈利波特與神奇按「魔」棒》，教人點將枝魔法棒變按摩捧，天下不舉麻瓜排住隊多謝你都嚟唔切呀！

《Woman in Black》將於2012年2月10日在英國上映

＃3 龍年 Is Just Not That Into You

龍年大年初二，循例恭祝各位新年快樂，萬事勝意。

每逢呢啲日子，報紙佬唔係返屋企放假，就係返公司放蚊。為充撐版面交貨走人，佢哋通常會加入唔少外國慶祝龍曆新年嘅副聞。今年唔少報導話鬼佬齊賀龍年，當正強國同胞上賓看待。Wow，強國今日強大起來，飛龍在天，日日龍咁威！仲唔企起身吶喊鼓掌？

Yeah～～～～～～

但……人家咁拍你馬屁百分百錢作怪，壓根低兒還是當你壽頭、水魚、蝗蟲，去到邊搞到邊。強國人們，醒下啦。

唔信？儘管睇下呢部《龍年》（Year Of The Dragon），1985年出品。龍年喎，應節到痺。

紐約唐人街，舞龍賀新年，非常好mood。

點知，轉個頭就打大架！新年流流見紅，認真大吉利是！

呢班中國仔都幾型下，不失炎王子孫之俊氣。

唉，原來成班都係古惑仔，又開拖啦！

噢！尊龍（John Lone）大哥！個look咁mark哥，實係正派！

發你個夢啦！Mickey Rourke個樣咁正氣，一比之下就合龍哥係反派，仲係奸到出汁那種。

正義必勝！龍哥跪地求情，掉晒強國假。

睇完trailer，明晒

冇錯，當年鬼佬眼中嘅「龍年」，同亂葬崗其實冇乜分別，而家感觀可能有少少分別，但差無幾囉。《龍年》（Year of The Dragon）基本上係黑幫片，尊龍新人上位，以為龍的傳人真係大晒，於是帶領唐人幫會喺唐人街蝦蝦霸霸，仲離譜到挑黑手幫機，作為正義化身嘅靚仔米奇哥，當然要維持正義，捉晒班死仔包坐十碌八碌啦，係咪先？

呢啲就係東方主義。即係美國佬當成個中東都係拉登，成個中國13億人都打功夫，同成個香港都係古惑仔咁解。

再講，「龍」喺傻里活入面唔係專嗒人肉刺身，就係神神化化。你能忘記《龍珠︰全新進化》有幾cult，或者係《侏羅紀公園》同《Reign of Fire》有幾生番嗎？龍年呢回事，聽下好啦，咪以為真係龍咁威啦，老友！

（P.S. 龍，有時又衰唔晒嘅，《龍紋身的少女》同《馴龍記》都幾好睇）

＃2 Johnny Depp的感情缺失

聽說，Depp爺同拍拖14年女友Vanessa Paradis分手。佢有咩要回應？

Shhhhhh！關於分手的問題，我拒絕回答。關於感情缺失，請你問唐唐。

純粹講笑，以上為Depp爺與Tim Burton第8次合作嘅70年代電視劇翻拍作品《Dark Shadows》公開一張新劇照，1月20日公開，新鮮熱鬧。

《Dark Shadows》預定3月開畫。

#1 生化危機之天譴觀眾？《Resident Evil︰Retribution》

荷里活冇創意就係人都知，只要搵得錢，幾爛嘅片拍到世末日依然有。錢作怪，應該一早收工嘅《生化危機》系列又復活喇！查實打咗咁多集，啲怪物應該死Q晒，點解危機愈搞愈大劑？喪屍、變種人、怪獸，邊樣至係危機？睇teaser啦。

Xperia Arc？咩事呢？

原來係賣廣告。

? PSVita？

賣夠廣告未呀屌你？！

喪屍圍城，真正生化危機。吓？之前十幾秒product placement係9up？索尼罪大滔天，仆你個街咪撚晒時間啦！

Alice 出場，打咗10年依然靚女。Of course，話晒係生化人。

不知名怪物追車，正路返少少。

Hi你，打喪屍定打飛機呀？

Michelle Rodriguez復活！佢係複製人？（10年前未紅，佢喺《生化危機︰變種生還者》做爛頭卒，死得慘烈）

Ada Wong！李冰冰飾演，索過強國時代所有角色造型。

嘩！波大腰幼加長腿！尺度超越當年嘅《風聲》大露背。腳膠睇住佢J實行精盡人亡都似。10個強國女星出國，9個膺服於洋腸淫威之下蕩起來，姊妹們辛苦晒。

Milla Jovovich繼續chok，你當佢老公Paul W.S. Anderson（導演）流㗎？

《生化危機》電影第5集預告公開，完全係配合同廠牌嘅《Underworld: Awakening》（《妖夜尋狼4》，另一套B片）美國映期。電影副題「Retribution」，即天譴咁解。查實，一套製作咁B嘅杰作能夠存活到今日，已經係上帝畀大家最大嘅天譴啦，right？

同日，電玩版《生化危機6》（Resident Evil 6）trailer出籠，有場話Chris去香港打喪B，應景到震！The city is dying, you know?

本片將於2012年9月13日上映。